Evdə Qarışqa Yuvası Necə Tapılır?

Evdə Qarışqa Yuvası Necə Tapılır? Qarışqalardan Qurtulmağın Yolları

Evinizdə, xüsusən də mətbəxdə bir neçə qarışqa gördünüzsə, bu, artıq böyük bir problemin ilk siqnalıdır. Çox vaxt insanlar marketdən qarışqa dərmanı alıb yerə püskürdürlər, amma bir neçə gündən sonra qarışqalar daha çox sayda geri qayıdırlar. Niyə? Çünki əsas məsələ görünən qarışqanı öldürmək deyil, divarın arxasındakı yuvanı tapmaqdır.

Professional bir dezinfeksiya şirkəti olaraq bu yazıda sizə evdə qarışqa yuvasını tapmağın ən asan yollarını və onlardan bir dəfəlik necə qurtulacağınızı izah edəcəyik.

2. Evdə qarışqa yuvası harada gizlənir?

Qarışqalar evdə ən çox harada yuva qurur? Əgər onları izləsəniz, görərsiniz ki, hamısı eyni nöqtəyə qaçır. Adətən yuva bu yerlərdə olur:

• Mətbəx şkaflarının altı və arxası: Çünki orada həm yemək qırıntıları, həm də rütubət var.

• Divar çatları və deşiklər: Divarda gördüyünüz balaca bir dəlik əslində böyük bir yuvanın girişi ola bilər.

• Kafel və süpürgəliklərin (plintus) altı: Qarışqalar gizli yolları sevirlər.

• Su borularının ətrafı: Nəm yerlər qarışqaların ən çox sevdiyi "istirahət" zonasıdır.

3. Sarı qarışqa və uçan qarışqa: Hansı daha pisdir?

Hər qarışqa eyni deyil. Onları tanımaq düzgün qarışqa dərmanı seçmək üçün vacibdir.

3.1. Sarı qarışqa (balaca və çox olanlar)

Sarı qarışqa (bəzən onlara firon qarışqası da deyilir) evlərdə ən çox yayılan növdür. Onlar çox balaca olurlar və elə yerlərə girirlər ki, tapmaq çətin olur. Bu qarışqaların ən pis xüsusiyyəti odur ki, siz onlara sprey vurduqda yuva parçalanır və evin 3-4 fərqli yerində yeni yuva qururlar.

3.2. Uçan qarışqa (qanadlılar)

Əgər evdə uçan qarışqa görürsünüzsə, vəziyyət ciddidir. Bu o deməkdir ki, divarınızın içindəki yuva artıq dolub-daşır və qarışqalar yeni yuvalar qurmaq üçün qanad çıxarıb uçurlar. Onları gördükdə vaxt itirmədən peşəkar dezinfeksiya xidməti çağırmaq lazımdır.

4. Evdə qarışqa yuvasını tapmaq üçün 3 praktik üsul

Mütəxəssis çağırmazdan əvvəl özünüz yuvanı belə tapa bilərsiniz:

1. Şirin yem qoyun: Bir yerə azca bal və ya şəkər tozu qoyun. Qarışqalar yığışandan sonra onları öldürməyin, sadəcə hara getdiklərini izləyin. Onlar sizi birbaşa yuvaya aparacaqlar.

2. Gecə yoxlaması: Qarışqalar gecə saatlarında daha aktiv olurlar. İşığı qəfil yandıranda onların haradan çıxıb hara qaçdıqlarını görə bilərsiniz.

3. Səsə qulaq asın: Bəzən divarın içində çox böyük yuva olanda qulağınızı divara dayasanız, çox zəif bir "xışıltı" eşidə bilərsiniz (bu, böyük koloniyalarda olur).

5. İnsanların ən çox soruşduğu suallar (FAQ)

Məlumata ehtiyacı olan istifadəçilərin Google-da ən çox axtardığı suallar:

Sual 1: Mətbəxdə qarışqaları necə yox edim?

Cavab: İlk olaraq bütün yemək qırıntılarını təmizləyin. Sonra isə qarışqaların çıxdığı deşikləri tapın. Amma ora sprey vurmayın! Sprey vursanız, yuva daha dərini gedəcək. Ən yaxşısı xüsusi gellərdən istifadə etməkdir.

Sual 2: Marketdən aldığım qarışqa dərmanı niyə xeyir eləmir?

Cavab: Çünki marketdəki dərmanlar ancaq dəyən qarışqanı öldürür. Divarın içindəki kraliça isə hər gün yüzlərlə yeni qarışqa doğur. Siz yerdəkini öldürürsünüz, yuva isə yenisini göndərir. Tam həll üçün yuvanın içinə qədər çatan professional dərmanlar lazımdır.

Sual 3: Sarı qarışqa xəstəlik yayır?

Cavab: Bəli, sarı qarışqa çox gəzəyən həşəratdır. Onlar zibil qabından çıxıb birbaşa sizin çörəyinizin, yeməyinizin üstünə çıxa bilərlər. Bu da mikrob və infeksiya riskini artırır.

Sual 4: Qarışqalardan qurtulmaq üçün sirkə və ya limon kömək edir?

Cavab: Sirkə və ya limon qarışqaları sadəcə müvəqqəti qaçırır. Onlar sirkə iyini sevmirlər, amma iy keçən kimi geri qayıdırlar. Bu, qəti həll yolu deyil.

Sual 5: Dezinfeksiya şirkəti gələndə evdən çıxmalıyıq?

Cavab: Bizim istifadə etdiyimiz müasir gellər və qoxusuz dərmanlar zamanı evdən çıxmağa ehtiyac yoxdur. Bu dərmanlar insanlar və ev heyvanları üçün zərərsizdir, ancaq qarışqa yuvasını kökündən qurudur.

6. Niyə peşəkar dezinfeksiya xidməti vacibdir?

Əgər artıq qarışqalarla baş çıxara bilmirsinizsə, peşəkar bir dezinfeksiya şirkəti sizə zəmanətli həll təklif edir. Biz nə edirik?

• Yuvanı tapırıq: Bizim mütəxəssislər qarışqaların gizləndiyi ən çətin nöqtələri təyin edirlər.

• Xüsusi gellər vururuq: Bu dərmanların dadı qarışqalar üçün cəlbedicidir. Onlar dərmanı yeyir və yuvaya – kraliçaya daşıyırlar. Beləcə bütün yuva zəncirvari şəkildə yox olur.

• Qalıcı nəticə: Bir dəfəlik təmizliklə sizi bu dərddən qurtarırıq.

Evinizdə qarışqa görməkdən bezmisinizsə, vaxt itirmədən bizə zəng edin. Biz gələk, yuvayı tapaq və mətbəxinizi yenidən təmiz hala gətirək!